Kelot nakipagbarilan sa mga pulis, utas
MANILA, Philippines — Patay ang hindi pa kilalalang lalaki matapos makipagbarilan sa mga pulis sa harap ng Batangas Port sa Barangay Calicanto Batangas City, kamakalawa ng hapon.
Ayon kay LT. Col. Ira Morello, Batangas City Police Chief nagsasagawa ng survaillance operation ang mga tauhan ng Batangas Police Intelligence Office laban sa isang pugante mula sa Masbate nang maganap ang shoot-out, alas-1:40 ng hapon.
Ani Morello, nilapitan anya ng mga nagpakilalang mga pulis ang suspek para magtanong pero bigla nalang umano itong bumunot ng kalibre 45 baril hanggang sa magpalitan na ng putok.
Isinugod pa sa ospital ang suspek matapos magtamo ng mga tama ng bala ng baril pero ideneklara na itong dead on arrival.
Wala namang nasaktan sa mga operatiba ng pulisya habang inaalam parin ang pagkakakilanlan ng napatay na suspek.
- Latest
