3 suspek sa pagpatay sa 2 sales agent, naaresto

CAMP VICENTE LIM, Laguna, Philippines — Naaresto na ng mga otoridad ang tatlong pangunahing suspek kabilang ang isang mastermind at triggerman sa pagpatay sa dalawang ahente ng pagbebenta ng mga feed ng hayop na ang mga bangkay ay natagpuang patay sa Agoncillo, nitong Martes.

Kinilala ni Major Broderick Noprada, hepe ng Agoncillo police, ang tatlong suspek na sina Guillermo Endozo, 32, mastermind, Jojo Sangalang, 35, na tinaguriang gunmen at Jayson Endozo, 42, pinsan ng mastermind bilang kasabwat.

Sila ay dinakip ng nilikhang tracker team operatives sa kani-kanilang bahay sa katabing barangay ng Banyaga na matatagpuan sa Laurel at Agoncillo noong Miyerkules ng hapon. Isang kriminal na reklamo para sa double murder ang inihain kahapon sa Batangas Prosecutor Office laban sa mga suspek.

Ayon kay Noprada, ang magpinsan na sina Endozos at Sangalang ay positibong kinilala ng mga nakasaksi bilang mga salarin sa pagpatay kay Eugene Petil, 37, at James Clerk Sultero, 18, parehong sales agent ng animal seed feeds Company.

Nabatid na ang pa­ngunahing target ng mga salarin ay si Petil na nais siyang patahimikin ni Guillermo dahil sa utang niya sa una na nagkakahalaga ng higit sa P100,000 at nadamay lang si Sultero.

Kaya ayon sa mga otoridad na lutas na ang kaso ng pagpatay kina Petil at Sultero matapos maaresto ang mga suspek.

Magugunita na natagpuan ang bangkay nina Petil at Sultero na may tama ng bala sa ulo at katawan sa harap ng isang kubo sa Barangay Banyaga, Agoncillo, Batangas nitong Martes ng alas-4:20 ng hapon at narekober sa lugar ang isang fired cartridge case ng .45 caliber, cellphone at isang abandonadong puting Toyota Hi-Lux (NDQ1809).