Kelot, maingay ang motorsiklo sa pagsalubong ng Bagong Taon, inutas
MANILA, Philippines — Dahil sa pag-iingay gamit ang kanyang motorsiklo sa pagsalubong ng Bagong Taon, patay ang isang lalaki nang saksakin ng nairitang kapitbahay sa Barangay Sta. Rosa, Murcia, Negros Occidental.
Kinilala ang biktima na si Gino Garcia na binawian ng buhay matapos umanong pagsasaksakin ng suspek na si Reynaldo Apisanda Jr.
Ayon sa imbestigasyon ng mga otoridad, nauwi sa malagim na krimen ang komprontasyon ng dalawa dahil umano sa ingay ng tambutso ng motorsiklo ng biktima habang sinasalubong ang Bagong Taon.
Mabilis umanong nagkainitan ang dalawa, dahilan kung bakit inundayan ng saksak ni Apisanda si Garcia gamit ang isang kutsilyo na may habang siyam na pulgada.
Ang suspek na naaresto sa isang follow-up operation noong Enero 1, 2025 sa bahay ng kaniyang kamag-anak at kasalukuyang nasa kustodiya ng pulisya.
- Latest
