4 truck nagkarambola: Pahinante dedo
ATIMONAN, Quezon, Philippines — Patay ang isang pahinante matapos ang karambola ng mga sasakyan nang banggain ng isang delivery truck na nawalan ng preno ang tatlo pang nakaparadang truck sa gilid ng highway na sakop ng Barangay Malinao Ilaya sa bayang ito, kamakalawa ng gabi.
Nadala pa sa Dona Martha Hospital subalit nalagutan din ng hininga dahil sa grabeng pinsalang tinamo sa kanyang ulo at katawan ang biktimang si Edwin Pascua.
Base sa ulat ng pulisya, binabagtas ng delivery truck na minamaneho ni Jewil Morales ang direksyong southbound dakong alas-6:40 ng gabi nang mawalan ito ng preno at bumulusok pababa saka sumalpok sa mga trak na nasa gilid ng kalsada hanggang sa bumangga sa roller barrier.
Nakatayo lamang sa gilid ng kalsada si Pascua at isa pang pahinante na si Joseph Balinsayo nang tamaan sila ng nagkarambolang mga trak.
- Latest
