San Rafael, Bulacan nasungkit ang ‘Guinness’ sa ‘Largest Gathering of People Dressed as Angels’
SAN RAFAEL, Bulacan, Philippines — Inanunsyo ni Mayor Mark Cholo Violago ng bayang ito na opisyal na silang kabilang sa “Guinness Book of World Records” nitong Sabdo para sa kategoryang “Largest Gathering of People Dressed as Angels.”
Nasa 2,000 indibiduwal na nakasuot bilang mga angels ang nagpartisipa para ma-break ang Guinness Book of World Records sa naturang category na ginanap sa Victory Coliseum, San Rafael Government Center town.
Ang dating rekord sa naturang kategorya ay naisagawa noong Disyembre 1, 2015 sa Winnipeg, Canada na inorganisa ng Misericordia Health Center Foundation of Canada.
Inanunsyo ni Guinness World Records Adjudicator Kazuyoshi Kirimura na ang Canadian record para sa “Largest Gathering of People Dressed as Angels” ay nalampasan na ng mga taga-San Rafael, Bulacan dahil sa rami ng bilang ng “angels” na sinaksihan ni Senator Imee Marcos.
Malugod na tinanggap ni Mayor Violago ang Guinness World Records certificate mula kay Kirimura.
“Nag-uumapaw po ang aking galak at pasasalamat sa mahigit 2,000 Anghel na San Rafaeleños at sa lahat ng mga nakiisa sa kauna-unahang “Guinness World Records Attempt” na ito sa kategoryang “Largest Gathering of People Dressed as Angels”, “ pahayag ni Violago.
- Latest
