2 ‘drug dealer’ sa Bacoor huli sa P.7 milyong shabu
CAVITE MANILA, Philippines — Nalambat ng pulisya ang dalawang hinihinalang drug dealer matapos masamsaman ng mahigit P.7-milyong halaga ng shabu sa inilatag na buy-bust operation kahapon ng madaling araw sa Brgy. Panapaan 4, Bacoor City.
Kinilala ang mga suspek na sina alyas “Tol” at “Leonard”, kapwa nasa hustong gulang at residente ng Brgy. Panapaan 4, Bacoor City, Cavite at pawang High Value Individual (HVI) target ng pulisya.
Batay sa ulat, alas-12:30 ng madaling araw nang magsagawa ng buy-bust ang mga operatiba ng Bacoor City Police at Drug Enforcement Unit laban sa mga suspek.
Narekober sa mga suspek ang apat na selyadong transparent plastic sachet na naglalaman ng shabu na aabot sa 105 gramo at may halagang P714,000.
Nakumpiska rin sa suspek ang isang Honda Click na motorsiklo may plakang 956XZF na kanyang gamit, isang cellphone at buy-bust money na ginamit sa operasyon.
- Latest
