P2.2 milyong shabu nasabat sa Batangas buy-bust
![P2.2 milyong shabu nasabat sa Batangas buy-bust](https://media.philstar.com/photos/2024/08/21/3_2024-08-21_22-11-49.jpg)
CAVITE, Philippines — Nasabat ng pulisya ang may 330 gramo ng shabu sa dalawang High Value Target (HVT) sa inilatag na buy-bust operation kamakalawa ng hapon sa Brgy. Dumuclay East, Batangas City.
Arestado ang dalawang suspek na kinilalang sina alyas “Rommel” at alyas “Marco”, umano’y kilalang mga dealer at supplier ng droga.
Sa ulat ng Batangas Police, alas-2:15 ng hapon nang ilatag ng OPD-Drug Enforcement Unit (lead unit) at Batangas Police ang buy-bust operation target ang dalawang suspek.
Narekober sa mga suspek ang dalawang plastic na naglalaman ng may 330 gramo ng shabu na aabot sa halagang P2,244,000; ang P200,000 marked money at isang itim na bag, isang cal. 45 pistol compact, isang magazine, anim na bala at isang cellphone.
- Latest