Obrero nahulog sa puno ng mangga, dedo
![Obrero nahulog sa puno ng mangga, dedo](https://media.philstar.com/photos/2024/07/23/3_2024-07-23_22-03-43.jpg)
TIAONG, Quezon, Philippines — Isang construction worker ang nasawi matapos bumagsak na una ang ulo ng mahulog sa inakyat nitong punong mangga sa Barangay Talisay sa bayang ito kamakalawa ng tanghali.
Ang biktima na hindi na umabot ng buhay ay kinilalang si Anisito Sildo, 43, may live-in partner at residente sa nasabing lugar.
Batay sa imbestigasyon, alas-12:00 ng tanghali ay umakyat sa puno ng mangga ang biktima upang manguha ng mga bunga,subalit nang nasa 20 talampakan na ang taas ng inakyat nito ay nabali ang sanga na kanyang inaapakan na naging sanhi upang mahulog ito sa lupa na una ang ulo.
Mabilis na dinala ang biktima ng mga nakasaksi sa ospital subalit idineklarang dead-on-arrival dahil sa grabeng tinamong pinsala sa ulo.
- Latest