Magkaangkas sa motor binoga, isa patay

MANILA, Philippines — Patay ang isang lalaking rider habang sugatan ang kanyang angkas matapos pagbabarilin sa kahabaan ng national highway sa Zone-7, Brgy.Mangga, Sipocot, Camarines Sur,kamakalawa ng umaga.

Namatay dahil sa mga tama ng bala sa katawan ang biktima na kinilalang si Butch Valdez,may-asawa, residente ng Brgy. San Felipe habang agad naisugod sa Bicol Regional Geriatic Hospital and Medical Center sa bayan ng Cabusao ang sugatang si King Russel, residente ng Brgy.Magsaysay, pawang ng Naga City.

Sa ulat, alas-6:40 ng umaga magkaangkas sa motorsiklo ang mga biktima patungo sa Brgy.Calampinay ng naturang bayan nang pagbabarilin ng dalawang hindi nakilalang suspek mula sa kanilang likuran.

Agad rumesponde ang mga kasapi ng Sipocot Municipal Police Station pero hindi na inabutan ang mga salarin. Mabilis nilang dinala sa pagamutan si Russel.