Tulak arestado sa higit P200K shabu

LUCENA CITY, Philippines — Kulungan ang binagsakan ng isang tulak matapos makum­piskahan ng mahigit sa P200,000 halaga ng hinihinalang shabu sa anti drug ope­ration sa Barangay Dalahican, kamakalawa.

Ayon kay PLt. Col. William Anyway, chief of police dito, isang poseur buyer ang nakabili ng hinihinalang shabu sa suspek na si alyas “Baroroy”, 36-anyos, na nagresulta sa kanyang pagkakaaresto dakong alas-7:00 ng gabi.

Nakumpiska sa suspek ang mahigit 13 gramo ng hinihinalang shabu na nagkakaha­laga ng P287,000.00 at ang buy-bust money na ginamit sa operasyon.

Kasalukuyang nasa kustodiya ng mga awtoridad ang suspek na nahaharap sa kasong paglabag sa Republic Act 9165 o Comprehensive Dangerous Drugs Act of 2002.