Rider na walang suot na helmet, nahulihan ng baril
![Rider na walang suot na helmet, nahulihan ng baril](https://media.philstar.com/photos/2024/07/18/baril_2024-07-18_21-10-37.jpg)
MANILA, Philippines — Isang rider na nasita dahil sa walang suot na helmet ang tuluyang inaresto matapos na mahulihan na may dalang baril sa kahabaan ng Aguinaldo Highway/MCI Intersection, Brgy. Palico 4, Imus City, Cavite, kamakalawa.
Patung na patong na kaso ang kakaharapin ng rider na kinilala sa alyas na Ralph,nasa hustong gulang.
Sa ulat ng pulisya, alas-4:30 ng madaling araw ay kasalukuyang nagsasagawa ng police visibility ang Cavite Police Community Precinct 6 ng Imus Component City Police Station sa Aguinaldo Highway/MCI Intersection, Brgy. Palico 4 nang masita ang suspek sakay ng motor na walang suot na helmet.
Sa halip na huminto ay pinaharurot nito ang minamanehong motor patakas dahilan upang habulin ito ng grupo at ng makorner ito ay napansin ng pulisya na may nakaipit sa bewang nito at ng tingnan ay isang caliber.357 Magnum Smith and Wesson na kargado ng bala ang nakasiksik.
Agad itong hinanapan ng mga dokumento ng nasabing baril,subalit wala itong maipakita ay inaresto ito.
- Latest