Mag-asawang Australyano, 1 pa natagpuang patay sa hotel sa Tagaytay

MANILA, Philippines — Tatlong katao kabilang ang mag-asawang Australyano na nagbabakasyon sa bansa ang natagpuang patay sa loob ng isang kilalang hotel sa Tagaytay City, kamakalawa ng hapon.

Sa inisyal na ulatalas-12:30 ng tanghali nang matagpuan ang mga wala ng buhay ng katawan ng tatlong biktima sa loob ng isang kuwarto ng The Lake Hotel sa Brgy. Maharlika West,Tagaytay City.

Ayon kay Allan Manza,hotel staff, nagtungo umano siya sa Room 104 kung saan naka-check in ang mga biktima upang ipaalala umano na check out time nila.

Subalit,nakailang katok na umano ito ay hindi pa rin nagbubukas ng pinto ang mga biktima kung kaya’ty sila na ang nagbukas ng pinto gamit ang duplicate key at dito ay tumambad ang mga biktima na nakasubsob at pawang mga wala ng buhay.

Hanggang sa kasalukuyan ay wala pa ring maibigay na malinaw na detalye ang pulisya hinggil sa insidente.