Airport sa Jolo itatayo, P100 million inilaan ni Pangulong Marcos
MANILA, Philippines — Nasa P100 milyon ang inilaan ni Pangulong Ferdinand “Bongbong” Marcos Jr. para sa konstruksyon ng paliparan sa Jolo, Sulu.
Ito ang inanunsyo ng Pangulo sa kanyang pamamahagi ng ayuda sa mga magsasaka at mangingisda sa Sulu nitong Biyernes.
Ayon sa Pangulo, binabalangkas na ang lahat ng kailangan para masimulan ang naturang proyekto dahil mahalaga na maumpisahan ang konstruksyon ng Jolo Airport Development project.
Maliban dito, pinatutukan din ni Pangulong Marcos ang satellite connectivity sa Sulu, dahil mahirap aniya na mag negosyo. Ang pangulo ay nasa Sulu para mamahagi ng tig P10,000 ayuda sa may 5,000 mga magsasaka at mangingisda na naepektuhan ng El Niño.
Maliban dito, nagbigay rin si Pangulong Marcos ng P10 milyong ayuda sa Provincial Government ng Sulu.
Namahagi naman ang Ministry of Agriculture, Fisheries and Agrarian Reform of the Bangsamoro Autonomous Region in Muslim Mindanao (BARMM) ng farm equipment and inputs na nagkakahalaga ng P2.05 milyon sa 20 farmers associations.
- Latest