Motorcycle rider, todas sa ambush
CAVITE, Philippines — Patay ang isang rider makaraang barilin sa ulo ng ‘di nakilalang suspek habang sakay ng kaniyang motorsiklo at bumabagtas sa highway ng Brgy. Paliparan 3, Dasmariñas City, Cavite.
Sa imbestigasyon ng pulisya, alas-2:43 ng hapon nang maganap ang pananambang habang ang biktima na kinilala sa alyas “Miguel”, nasa hustong gulang, ay sakay ng kaniyang Honda Beat motorcycle at bumabagtas sa Sitio Pook, Barangay Paliparan 3, Dasmariñas City, nang dikitan ng suspek at agad binaril sa ulo.
Matapos na masigurong patay ang biktima, mabilis na tumakas ang suspek patungo sa ‘di batid na direksyon.
Agad naitakbo sa pagamutan ang biktima ng mga sumaklolo subalit idineklara na siyang dead-on-arrival.
Kasalukuyan nang nagsasagawa ng follow up ang pulisya hinggil sa insidente.
- Latest
