3 drug suspect, timbog sa buy-bust
MANILA, Philippines — Tatlong drug suspect ang naaresto sa pinagsanib na puwersa ng Lucena City Drug Enforcement Unit, Quezon Provincial Drug Enforcement Unit, Provincial Intelligence Branch at 403rd Maritime Police Station sa isang buy-bust operation sa 2 Parang, Barangay Market View, Lucena City, kamakalawa ng madaling araw.
Base sa ulat ni Lt.Col.Ruben Ballera, Lucena City Chief of Police, nakilala ang mga suspek na sina Regie Verdera 38, alyas Kurimao, ng Purok Santol 1, Barangay Mayao Crossing; Richard Arthur Alba, 47 ng Purok Pagsisikap, Barangay Gulang-gulang’ at Michael Yanga 37, ng Nangka St..Barangay Market View.
Sa buy-bust operation na isinagawa, alas-2:30 ng madaling araw ay narekober sa pag-iingat ng tatlo ang nasa 10.2 na gramo ng hinihinalang shabu na nagkakahalaga ng aabot sa P208, 080.00
Nabawi rin ng mga otoridad buhat sa mga suspek ang P1,000 at sampung piraso ng P1,000 boodle money, na ginamit ng pulis na nagpanggap na poseur buyer.
Kasong paglabag sa section 5 at 11 ng article ll, of RA 9165 ang kakaharapin ng tatlo, na ngayon ay nasa kustodiya na ng Lucena police station.
- Latest
