2 timbog sa high grade marijuana

CAVITE, Philippines — Dalawang hinihinalang tulak ng droga ang inaresto matapos mahulihan ng mahigit 800 gramo ng high grade marijuana o kush sa inilatag na buy-bust operation ng pulisya kamakalawa ng gabi sa Brgy. Poblacion 1, bayan ng Mendez, dito.

Kinilala ang mga suspek na sina Luigi Novicio alias “Loui” at Justine Maralang, kapwa nasa hustong gulang at residente ng nasabing lugar at kabilang sa drug watchlist ng pulisya.

Sa ulat mula kay Police Captain Norman Catsao, hepe ng Mendez Police, alas-10:40 ng gabi nang ikasa ng kanilang drug enforcement team ang buy-bust ­operation laban sa dalawang suspek.

Nang magpositibo ang operasyon, agad dinakip ang dalawang suspek at nakumpiskahan ng may 772.1 gramo ng marijuana at 22.9 gramo ng kush na nasa zip locked transparent plastic sachet.

Nakumpiska rin ng 2 bricks na marijuana na may timbang na 766 gramo.