4 HVT timbog sa higit 2-kilong marijuana

CAVITE, Philippines — Nalambat ng pulisya ang apat na high value target (HVT) ng pulisya matapos na makuhanan ng mahigit 2 kilong marijuna sa isinagawang drug bust sa Brgy. Paliparan 3, Dasmariñas City.

Kinilala ng pulisya ang mga suspek na sina Jayson Trilles, 18-anyos, ng Pintong Gubat, Paliparan 3, Dasmariñas City; Rayven Sarmiento, 25, ng Blk 41 L2 Brgy. Victoria Reyes, Dasmariñas, City; kapwa nasa High Value Target, Mark Glenn Rabino , 23-anyos ng Brgy. Paliparan 3 Dasmariñas City at Norl Niegad, 19-anyos ng Brgy. Salawag, Dasmariñas City,

Ayon kay Police Col Marlo Solero, hepe ng pulisya sa lungsod, matapos ang ginawang ilang araw na surveillance, nagkasa sila ng buy-bust operation kasama ang Provincial Drug Enforcement Unit ng Cavite-PPO laban sa mga suspek.

Nang magkabilihan narekober sa mga suspek ang 2 malaking plastic na naglalaman ng mga Marijuana Bricks na aabot sa timbang na 2,200 gramo o 2.2 kilo na may halagang P264,000.

Narekober din sa mga suspek ang buy-bust money na ginamit sa operasyon, cellphone at isang back pack bag kung saan nakasilid ang mga droga.