Mag-utol na tulak tiklo sa drug bust
LUCENA CITY, Philippines — Magkasama hanggang sa kulungan ang magkapatid na tulak ng ipinagbabawal na droga makaraang malambat sa anti-drug operation sa Purok Happy Valley, Brgy. Ibabang Dupay, kamakalawa ng gabi.
Sa ulat ni PLt.Col.Ruben Ballera Jr.chief of police dito, kinilala ang mga nadakip na sina Reynan Manzilla, alyas Imon, 37, at Richard Manzilla, alyas Inggo, 38, kapwa binata at kabilang sa talaan ng Provincial Police Suspected List Individual (PPO, SLI) at mga residente sa naturang lugar.
Isinagawa ng mga operatiba ng City Drug Enforcement Unit (CDEU) ang buy-bust operation, alas-9:01 ng gabi at nakumpiska ang walong plastic sachet ng suspected shabu na tumitimbang ng 3.6 grams at nagkakahalaga ng P64,440.00, isang P1,000 marked money at isang cellphone na ginagamit nila sa iligal na transaksyon.
Nahaharap ang mga ito sa kasong paglabag sa Comprehensive Dangerous Drugs Act of 2002.
- Latest
