Gang leader, 1 pang ‘most wanted’ timbog sa Bataan
OLONGAPO CITY, Philippines — Arestado ng mga otoridad ang dalawang katao na tinaguriang most wanted person (MWP) dahil sa kasong panggagahasa at pangmomolestiya sa magkahiwalay na operasyon sa lalawigan ng Bataan at Zambales, kamakalawa.
Kinilala ang naarestong suspek na si Niño Reyes, umano’y lider ng “Reyes Criminal Gang” sa bisa ng warrant of arrest na inisyu ni Honorable Judge April Joy G. Magsayo-Aguila, presiding judge ng Branct 61 RTC Angeles, City Pampanga para sa kasong Statutory Rape at Acts of Lascivousness.
Si Reyes ay dinakip habang namamasyal sa isang mall sa Brgy. Cupang Proper, Balanga City, Bataan.
Arestado rin ang suspek na si Emmanuel Clave alyas “Lolo Manny” bilang Top 1 Regional Most Wanted Person, ng pinagsanib na puwersa ng Castillejos Municipal Police at Zambales Police Provincial Office sa bisa ng warrant of arrest na inisyu ni Judge Gemma Theresa B Hilario-Logonio, Presiding Judge ng RTC Branch 12FC Olongapo City para sa kasong Qualified Rape by Sexual Assault at Qualified Rape.
Wala namang inirekomendang piyansa ang korte sa dalawang suspek para sa kanilang pansamantalang kalayaan.
- Latest
