66-anyos lola arestado sa P175K shabu
CAVITE, Philippines — Arestado ang isang 60-anyos na lola na sinasabing talamak na “tulak ng droga sa kanilang lugar matapos makumpiskahan ng P175,000 na halaga ng shabu sa isinagawang buy-bust operation ng pulisya kamakalawa ng hapon sa Brgy. Datu Esmael, Dasmariñas City.
Nahaharap sa mga kasong paglabag sa Sec. 5 at Sec. 11 ng RA 9165 ang suspek na nakilalang si Olympia Benito, 66, ng Blk. 46 Lot 12, Brgy. Datu Esmael, Dasmariñas City. Siya ay nasa listahan ng mga high value individual ng pulisya.
Sa ulat ni Police Corporal Marnol Cunanan, may hawak ng kaso, alas-4:50 ng hapon nang maglatag ng buy-bust operation ang pinagsanib na puwersa ng Provincial Drug Enforcement Unit ng Cavite PPO sa pangunguna ni Police Captain Pelecio Cruzada, at Dasmariñas City Police laban sa suspek.
Napag-alaman na ilang araw na isinailalim sa surveillance operation ang lola bago ikasa ang anti-drug operation.
Narekober sa suspek ang may 5-plastic sachet na naglalaman ng mga shabu na aabot sa mahigit 25 gramo at may halagang P175,000.
- Latest
