Bahay nasunog sa lumang bentilador
OLONGAPO CITY, Philippines — Natupok ng apoy ang isang bahay na pawang gawa sa light materials at nadamay rin na nasunog ang nakagarahe na isang sasakyang pickup sa Natividad Sta. Brgy. Pag-asa sa Olongapo City, kamakalawa ng umaga.
Pasado alas-10 ng umaga nang magsimulang umusok ang bahay na pag-aari ng pamilya Torres kung kaya’t agad tumawag ng mga kagawad ng pamatay sunog.
Hindi naging madali para sa mga bumbero na maisalba ang nasusunog na bahay dahil bukod sa kalumaan na ito ay gawa pa sa mahihinang materyales tulad ng kahoy.
Sa kabila nito, hindi naman nadamay na matupok ang mga kalapit na bahay ng biktima matapos ideklarang fire under control ng mga bumbero ang insidente.
Lumalabas sa imbestigasyon na nagmula umano ang sunog sa lumang bentilador na ginagamit ng nasunugang pamilya.
- Latest
