2 kelot itinumba ng nakamotorsiklong gunman

MANILA, Philippines — Dalawang lalaki na naiulat na nasawi sa magkahiwalay na insidente ng pamamaril ng mga nakamotorsiklong suspek sa Batangas at Quezon.

Ayon sa ulat, nagla­lakad ang biktimang si Marvin Tejada sa kahabaan ng kalsada ng Brgy. Palahanan 2, San Juan, Batangas nang lapitan ng suspek na sakay ng motorsiklo at walang kaabug-abog na pinagbabaril ng mara­ming beses sa iba’t ibang bahagi ng katawan na agad nitong ikinasawi.

Sa lalawigan naman ng Quezon, naglalakad ang biktimang si Edison Dignos patungo sa kanyang farm para mamutol ng dahon ng Buli nang lapitan ng isang lalaki na lulan ng motorsiklo sa Barangay Pugon, San Francisco at pagbabarilin.

Nadala pa sa ospi­tal si Dignos, subalit idineklarang dead on arrival.

Patuloy ang imbes­tigasyon ng pulisya sa dalawang insidente ng pamamaril upang makilala ang mga suspek at motibo ng mga ito.