Vendor na lulan ng trike niratrat, utas

SARIAYA, Quezon, Philippines — Limang tama ng bala sa ulo at iba’t ibang parte ng katawan ang tumapos sa buhay ng isang vendor makaraang pagbabarilin ng hindi nakikilalang salarin kamakalawa ng umaga sa Barangay Conception Palasan ng bayang ito.

Kinilala ng pulisya ang biktima na si Sam San Pedro, 44, residente sa nasabing barangay.

Batay sa imbestigasyon, kaaalis lamang ng biktima sa kanilang bahay sakay ng top down na tricycle bandang alas-5:05 ng umaga nang paulanan ng punglo ng hindi nakikilalang salarin.

Inaalam na ng pulisya ang pagkakakilanlan ng suspek at ang motibo sa pamamaslang sa biktima.