100 bahay nasunog sa Zamboanga

ZAMBOANGA CITY, Philippines — Tinatayang nasa 100 kabahayan ang natupok ng apoy sa naganap na sunog sa isang village sa  Brgy. San Roque,kamakalawa.

Ayon kay Brgy.chairman Edgardo Delgado na ang sunog ay naganap sa Summer Hill village katabi ng  Chinese cemetery ng naturang barangay.

Umaabot sa 120 pamilya ang nawalan ng tirahan at pansamantalang inilagay sa covered court ng nasabing village.

Ayon kay City Fire Marshal Fire Insp. Lucio Albaracin,na ang sunog ay naganap alas-11:30 ng umaga sa isang hindi pa tukoy na bahay na mabilis kumalat sa katabing kabahayan na pawang gawa sa light materials.

Walang naiulat na nasawi sa sunog na kung saan ang ilang pamilya na nasunugan ay dati na ring nasunugan noong nakalipas na taon malapit sa pinangyarihan ng sunog.