Pedestrian nabundol ng motorsiklo, dedbol
MANILA, Philippines — Idineklarang dead-on-arrival sa ospital ang isang lalaki nang ito ay mabundol ng isang motorsiklo habang tumatawid sa kalsada sa Cainta, Rizal kamakalawa ng gabi.
Kinilala ang nasawing biktima na si Cesar Ogario, habang sugatan at nilalapatan din ng lunas sa pagamutan ang rider na nakilalang si Jesson Caliao.
Batay sa ulat ng Cainta Municipal Police Station, dakong alas-7:00 ng gabi nang maganap ang aksidente sa East bank Road, kanto ng Robin St., Anak Pawis, Brgy. San Juan, sa Cainta.
Nauna rito, naglalakad na pauwi ng kanilang tahanan si Ogario at habang tumatawid sa East bank Road ay bigla na lang siyang mabundol ng motorsiklo na minamaneho ni Caliao.
Sa lakas nang pagkasalpok ay kapwa bumagsak at nagpagulong-gulong sa kalsada ang biktima at suspek na kapwa nagtamo ng mga sugat sa iba’t ibang bahagi ng kanilang katawan.
Nagpapagaling pa naman ng kanyang sugat ang suspek, na nakatakdang sampahan ng kasong reckless imprudence resulting in homicide sa piskalya.
- Latest
