Drug surrenderee itinumba
TUGUEGARAO CITY, Cagayan, Philippines — Utas ang isang 42- anyos na drug surrenderee matapos ratratin ng bala ng mga berdugo sa Brgy. Pug-os, Cabugao, Ilocos Sur noong Martes.
Sa report ng Pulisya, dakong alas 10:00 ng gabi nang tambangan ng pinaniniwalaang riding-in-tandem si Jovita Baclig na noo’y naglalakad patungo sa tindahan upang kargahan ng load ang kanyang cellphone.
Nagtamo ng iba’t ibang tama ng bala sa katawan si Baclig at isinugod ng mga sumaklolo sa Suero Gen. Hospital, Cabugao kung saan siya nalagutan ng hininga habang binibigya ng lunas.
Nagkalat ang mga basyo ng bala ng Super 38 at 9mm boga sa crime scene.
Gayunman, dinakip ng mga awtoridad ang bayaw na kapitbahay ng biktima na si Emlio Baclig sa isang follow-up operation.
Kasalukuyang inaalam sa imbestigasyon kung may kinalaman sa drug trade ang motibo ng krimen.
- Latest
