4 kawani nagka-COVID-19, Fire Station ini-lockdown

MADDELA,Quirino, Philippines — Isinailalim sa pansamantalang lockdown ang himpilan ng Bureau of Fire Protection ng bayang ito matapos ang apat na kawani ay nagpositibo sa COVID-19.

Sa report ng provincial health, nahawa sa naunang kaso na nagpositibo sa virus noong Pebrero 20 ang tatlong kawani na pawang asymptomatic o walang nararanasang sintomas.

Isinailalim din sa quarantine ang lahat­ ng nalalabi pang ka­wani ng BFP Maddela upang masawata ang pagkalat ng virus.

Ang lalawigan ng Quirino ay mayroon nang 61 kumpirmadong kaso ng COVID-19 na lubhang ikinaaalarma ng lokal na pamahalaan.