Magtiyuhin nagulungan ng truck, dedo

MANILA, Philippines — Kalunus-lunos ang sinapit ng magtiyuhinnang mabangga at magulugan pa ng prime mover truck kamakalawa ng hapon sa Talisay City, Negros Occidental.

Dead-on-the-spot ang  mga biktimang sina Allan Bedonia, 55, at Rodrigo Bedonia, 22, kapwa  residente ng Hacienda San Antonio 1, Barangay Dos Hermanas, Talisay City.

Sa imbestigasyon, alas-4 ng hapon nang maganap ang aksidente sa Bacolod-Silay Airport Access Road sa Brgy. Efigenio-Lizares ng nasabing lungsod.

Ayon kay Ginang Rosalinda,  ina ng nasawing si Bedonia, papauwi na ang  mga biktima galing sa binyag ng apo ni Allan sa Silay City at  sakay ng  motorsiklo nang baggain sila ng truck pagsapit sa Bacolod-Silay Airport Access Roadnorth-south direction.

Dahil sa lakas ng impact, kapwa tumilapon ang mga biktima sa daan at magulungan na agad na namatay. Wasak din ang mga helmet ng mga ito.

Sa ngayon, nasa kustodya na ng Talisay City Police ang driver ng truck na ‘di tinukoy ang pagkakakilanlan.