Dalagita ni-rape slay, winasak ang mukha
Bangkay itinapon sa sapa
MANILA, Philippines — Kalunos-lunos na kamatayan ang sinapit ng isang 17-anyos na dalagita na matapos na hinihinalang halayin ay winasak pa ang kanyang mukha ng isang salarin saka itinapon sa sapa sa pagitan ng Brgy. Buliclic at Brgy. San Pedro sa Sta. Lucia, Ilocos Sur kahapon.
Sa report ng Sta. Lucia Police, dakong alas-7 ng umaga nang matagpuan ni Mamerto Fabro, 57-anyos, habang nagpapastol ng kalabaw, ang duguang bangkay ng biktimang si Juliana Faith Aleluia, isang Grade 12 student at residente ng Brgy. San Pedro.
Nabatid na sumuko na rin umano ang suspek sa pagpatay sa nasabing estudyante dakong alas-12 ng tanghali pero hindi muna inilabas ng pulisya ang pagkakakilanlan nito habang isinasagawa ang masusing imbestigasyon sa insidente.
Lumalabas na halos hindi na makilala ang biktima nang makita ng magsasakang si Fabro ang bangkay nito dahil sa pagkawasak ng kanyang mukha at nagsisimula na ring maagnas.
Sa teorya ng pulisya, posibleng hinataw ng matigas na bagay ang biktima at ginahasa ng suspek.
- Latest
