Drayber todas sa sapak ng pamangkin

TUGUEGARAO CITY,  Cagayan, Philippines —Patay ang isang 52-anyos na drayber matapos na sapakin ng kanyang lasing na pamangkin sa Brgy. Centro, Lal-lo, Cagayan kamakalawa. 

Sa report, nangyari ang pananapak habang tinangkang pahupain ng biktimang si Antonio Panaga ang nagwawalang pamangkin na si Mark Joseph Siriban, 27, dahil sa sob­rang kalasingan.

Sa tindi ng upak, natumba si Panaga at isinugod sa Matilde Olivas District Hospital pero hindi na nagising at na-comatose.

Dahil sa maselang kalagayan, agad na inilipat ang biktima sa Cagayan Valley Medical Center kung saan siya binawian ng buhay habang tumakas ang pamangkin na sinampahan na ng kasong homicide.