Ex-mayoralty candidate itinumba
NORTH COTABATO , Philippines — Dead-on-the-spot ang isang dating kandidato sa pagka-alkalde ng nagdaang eleksyon makaraang tambangan at pagbabarilin ng riding-in-tandem sa Lambayong, Sultan Kudarat, Maguindanao noong Linggo ng umaga.
Nakilala ang biktima na si Edgar Lucero, 53-anyos, may asawa at taga-Brgy. Namnama, Lambayong, Sultan Kudarat.
Sa report ng Lambayong Police, sakay ng kanyang motorsiklo ang biktima at angkas pa ang dalawang anak nang pagbabarilin ng mga suspek sa national highway na bahagi ng Brgy. Didtaras, nasabing bayan, alas-9:30 ng umaga.
Nagtamo ng mga tama ng bala sa ulo, mukha at dibdib si Lucero na naging dahilan ng kanyang agarang kamatayan.
Nasa ligtas namang kalagayan ang kanyang mga anak bagama’t nagtamo ng mga galos at sugat sa katawan matapos na matumba ang kanilang sinasakyang motorsiklo.
Nabatid na matagal nang nakatatanggap ng pagbabanta sa buhay si Lucero ngunit hindi nito pinansin at hindi rin ipinagbigay-alam sa pulisya.
- Latest
