Covered court gumuho: 9 studes sugatan
MANILA, Philippines — Siyam na estudyante ang nasugatan makaraang aksidenteng gumuho ang covered court ng kanilang eskuwelahan sa Brgy. Sinubong, Zamboanga City nitong Lunes.
Sa ulat, walong biktima ay nagkaka-edad ng 14-16 at kasama nila si Shaina dela Cerna, 19; mga mag-aaral sa Labuan National High School na mabilis na isinugod sa Labuan Public Hospital para malapatan ng lunas.
Ayon kay PRO 9 Spokesperson P/Major Helen Galvez, dakong alas-8:30 ng umaga habang nagkaklase sa covered court si Sherley Fonollera, section adviser ng Grade VII at IX dahil sa kakulangan ng silid-aralan sa eskuwelahan, nang bigla na lamang umanong bumigay ang covered court na ikinasugat ng mga estudyante.
Nabatid na napuno ng tubig ang covered court dahil sa mga pag-ulan nitong mga nakalipas na araw kung kaya humina ang pundasyon nito at tuluyang bumagsak.
- Latest
