Sekyu pinabulagta sa palengke

RIZAL  , Philippines  —  Patay ang isang security officer matapos siyang barilin ng hindi pa kilalang suspek habang nagpapatrolya sa harapan ng isang palengke sa Antipolo City kamakalawa.

Isang tama ng bala sa ulo ang agarang tumapos sa buhay ni Bernard Sanchez, nasa hustong gulang at nakatalaga sa Office of Public Safety and Security ng local government ng Antipolo City.

Sa ulat, dakong alas-9:05 ng umaga habang  nagpapatrolya si Sanchez at kasamahang si Arwind Tadem sa harapan ng CMA public market sa Oralia Road,  Brgy. Dela Paz nang bigla na lang lapitan ng sa­larin at walang sabi-sabing binaril sa ulo ang biktima.

Tumakas ang suspek bitbit ang baril na ginamit sa krimen.