Gun runner tiklo sa buy-bust
![Gun runner tiklo sa buy-bust](https://media.philstar.com/images/articles/shooting1_2018-12-04_01-50-10.jpg)
BULACAN , Philippines — Swak sa selda ang isang sinasabing kilabot na gun runner matapos masakote ng mga otoridad sa isinagawang buy-bust operation sa loob ng isang resort sa Brgy. Bagong Barrio sa bayan ng Pandi kamakalawa ng hapon. Hindi na nakapalag nang posasan ang suspek na si Marlon Bautista, 35, drayber at residente ng Pandi Heights sa naturang lugar. Sa ulat ng pulisya, dakong alas-2:30 ng hapon nang nakipagkita ang suspek sa pulis na tumayong buyer ng murang baril na ibinebenta nito.
Matapos magkapalitan ng item at pera ay dito na dinakma ang suspek ng mga pulis. Narekober mula sa suspek ang isang kalibre .45 baril na burado ang serial number, P20,000 marked money at nang ipinalabas pa ang laman ng bulsa nito ay dito pa nakita na naglalaman ito ng 20 sachet ng pinaghihinalaang shabu.
- Latest