4 ‘holdaper’ ng coed timbog

LUCENA CITY  , Philippines  —  Nagwakas ang pambibiktima ng apat na miyembro umano ng notoryus na robbery holdup gang sa isang college student makaraang masakote ng mga operatiba ng Intel/DEU at SWAT sa operasyon sa university belt sa Barangay Ibabang Dupay, dito kahapon. Kinilala ni P/Supt.Reydante Ariza, chief of police ng lungsod ang mga nadakip na sina Marvin Mirasol, ng Ibabang Dupay, Raffy Bautista, Jerson Cuaresma at Jomel Gonzales, pawang ng Brgy. Gulang-gulang.  Ayon Kay Ariza, noong madaling araw ng Linggo habang naglalakad sa Madrid St. Phase 4, ang college student na itinago sa pangalang Marie nang harangin ng mga suspek sakay ng dalawang motorsiklo.

Tinutukan ng patalim ng mga suspek ang biktima saka nagdeklara ng holdap at tinangay sa kanilang pagtakas ang bag na naglalaman ng cellphone, wallet at mga personal na gamit na nasa P10,000 na halaga. Sa follow-up operation ng pulisya, nasakote  ang mga suspek.