Obrero missing kay ‘Rosita’ nakitang patay sa Cagayan

TUGUEGARAO CITY, Cagayan – Nakita na ang isang obrero na nawawala matapos na tangayin ng flashflood sa Mt. Province sa kasagsagan ng bagyong Rosita nang marekober ang bangkay nito sa Tuao, Cagayan kamakalawa.

Ayon kay Supt. Pelita Tacio, tagapagsalita ng Cordillera Police Office; naiulat na nawala si Stephen Wangdale sa Sitio Potay, Brgy. Lias Silangan, Barlig, Mt. Province noong Oktubre 31 matapos na tangayin ng agos dahil sa pagtaas ng tubig ng Chico River at sa Brgy. Mungo, Tuao, Cagayan na ito nadiskubreng lumulutang noong Nob. 6.?

Ang bangkay nito ay kinilala sa isang punerarya at iniuwi ng kanyang ina sa Brgy. Ocapon, Villaverde, Nueva Vizcaya.