Nakilamay, inutas sa ‘tong-its’

TUGUEGARAO CITY, Cagayan, Philippines — Patay ang isang 37-anyos na magsasaka ma­tapos barilin ng kaibigan ng kanyang kalaban sa “tong-its” dahil sa matinding pagta­talo sa isang lamayan ng patay sa Barangay Cabiraoan, Gonzaga, Cagayan noong Martes.?

Ayon kay PO3 Froilan Farinas, binaril ni Solomon Rosete, 29, sa mukha at katawan ang biktimang si Lorigel Caban habang nakikipagtalo sa kaibigan niyang si Ian Tupag, 22.?

Agad namatay sa Caban habang tumakas sina Rosete at Tupag sakay ng motorsiklo dakong alas-12:30 ng gabi. ?Gayunman, nasangkot sa aksidente ang dalawang suspek sa katabing bayan ng Sta. Teresita sanhi upang sila ay maaresto ng mga nagrespondeng pulis. (Victor Martin)