Lolo binoga sa nawawalang kalabaw

SAN ANDRES, Quezon  , Philippines  —   Binaril hanggang sa mapatay ang isang matandang magsasaka ng kapitbahay dahil lamang sa sulat patungkol sa mga nangangawalang mga kalabaw kamakalawa ng umaga sa sitio Tagbakan, barangay Pansoy.?  Ang biktima na nagtamo ng mga tama ng bala ng kalibre .45 sa ulo at katawan ay nakilalang si Jesus Cabubas, 63, samantalang tumakas ang suspek na si Jemuel Rondina, 38.? 

Batay sa imbestigasyon, bandang alas-8:30 ng umaga ay naglalakad patungo sa kanyang bahay ang biktima nang harangin ng suspek at kinompronta tungkol sa sulat na kumakalat sa kanilang barangay na isinasaad na pinagbibintangan ang suspek na responsable sa pagkawala ng mga kalabaw sa kanilang lugar.? Hinala ng suspek na ang biktima ang gumawa ng sulat at nagpakalat kung kayat pinagbabaril hanggang mamatay.