Bus salpok sa toll gate: 14 sugatan

BATANGAS  , Philippines  —  Labing-apat na pasahero ang sugatan matapos sumalpok ang sinasakyan nilang bus sa Balete Toll Gate ng Star Tollways sa Batangas Lunes ng umaga.

Ayon sa Batangas Provincial Police Office, galing Batangas City at patungong Cubao lulan ang 45 pasahero, bina­bagtas ng Alps Liner na may plakang AIA-7313 ang kahabaan ng Star Tollway nang makatulog umano ang driver na si Marlon Antenor.

Dahil dito, sumalpok ang minamaneho nitong bus sa Sub Office ng Balete Toll Plaza. 

Agad namang isinugod sa Metro Lipa Hospital at Mary Mediatrix Medical Center ang mga biktima matapos ang insidente.