85-anyos hinataw ng bato ng anak, patay!
TUGUEGARAO CITY, Cagayan, Philippines - Isang 85-anyos na lolo na paralitiko ang nasawi sa kamay ng sariling anak na sekyu matapos hatawin ng bato sa loob ng kanilang bahay sa Brgy. Purag, Sinait, Ilocos Sur noong Huwebes.?
Kinilala ni Chief Insp. Reynaldo Mendoza, hepe ng Sinait Police ang biktima na si Elpidio Yadao, habang ang anak na security guard ay si Nestor Yadao, 50, na dinakma ng mga nagrespondeng pulis matapos ang krimen. Ayon kay Mendoza, umuwing lasing ang suspek mula sa laklakan matapos ang libing ng isang kaanak sa Cabugao.
Nang madatnan niya ang matanda na nakaupo sa kanilang beranda, walang habas na pinaghahampas ng sekyu ang ama gamit ang pinulot malalaking tipak ng bato.?
Agad na isinugod ng mga pulis ang matanda sa Corpuz Hospital subalit idineklarang dead-on-arrival.
- Latest
