Bombero niratrat, patay

COTABATO CITY, Maguindanao, Philippines -  Napatay ang 28-anyos na tauhan ng Bureau of Fire Protection (BFP) sa Autonomous Region in Muslim Mindanao (ARMM) makaraang pagbabarilin ng maskaradong lalaki sa bahagi ng Espino Street, Barangay Rosary Heights sa Cotabato City, Maguindanao kahapon. Kinilala ang biktima na si FO2 John Ghadzali Ganancial Datu Ramos ng nasabing lugar. Nagtamo ng tama ng bala sa dibdib at paa ang biktima na agad namang isinugod sa pagamutan subalit namatay din. Sa inisyal na pagsisiyasat ng pulisya, pababa ng kanyang kotse (LFS 842) ang biktima nang lapitan at pagbabarilin ng mga hindi kilalang lalaki na lulan naman ng ibang sasakyan.