Coed pisak sa killer van

COTABATO CITY, Maguindanao, Philippines – Kamatayan ang sinapit ng 20-anyos na graduating student sa Regency Polytechnic College Koronadal matapos itong mabangga ng pampasaherong van sa Barangay Dumadalig sa bayan ng Tantangan, South Cotabato kamakalawa ng umaga. Naisugod pa sa South Cotabato Provincial Hospital subalit namatay din ang biktimang si Norman Jann C. Arizaleta na may kursong BS Marine Engineering at nakatira sa Barangay New IloIlo sa bayan ng Tantangan sa South Cotabato. Sa inisyal na imbestigasyon, napag-alaman pauwi sa Brgy. New Iloilo mula sa Barangay Poblacion ang biktimang nagmomotorsiklo nang masalpok ng pampasaheron van. Hinabol naman ng mga nakakita sa aksidente ang driver ng van pero mabilis na nakatakas.