Matakaw sa pulutan, kinatay

BULACAN, Philippines – Napaaga ang salubong ni kamatayan sa 23-anyos na binata matapos na lasingin ay pinagtulungang saksakin ng dalawa nitong kainuman sa harap ng tindahan sa Brgy. Bitungol, bayan ng Norzagaray, Bulacan kamakalawa ng madaling araw. Nagtamo ng ilang saksak sa katawan ang biktimang si Rocky Dela Cruz ng NHV, Brgy. Bitungol sa nasabing bayan. Kaagad namang naaresto ang suspek na si Bonito Caballes, 47, habang tinutugis ang isa sa pang suspek na alyas Ker-Ker ng Brgy. Tigbe. Sa imbestigasyon ni PO3 Angeline Ligero, nilasing muna ng mga suspek ang kainumang biktima dahil sa sinasabing matakaw sa pulutan at alak. Dahil sa kawalan ng pulutan at alak ay pinagtulungang saksakin ng dalawang suspek ang biktima.