Nene ni-rape ng trike driver

BATAAN, Philippines – Maagang napariwa ang pagkababae ng 6-anyos na nene matapos itong halayin ng trike driver na sinasabing adik sa bisinidad ng covered court sa Barangay San Jose, Balanga City, Bataan kamakalawa ng tanghali. Itinago sa pangalang Myla ang biktimang nakatira sa na­sabing barangay habang nasakote naman ang suspek na si Raphael Garcia Urquisa, 36, ng #204 Narra Street sa nabanggit na barangay. Sa ulat ni PO3 Valentina De Lena ng Women and Child Police Desk Office, sinamantala ng suspek na nag-iisa ang biktimang naliligo. Nabatid na kasama ng kanyang mga kapatid na naligo ang nene kung saan naiwang mag-isa sa nasabing lugar. Nang umuwi ang biktima umiiyak ay napansin ng kanyang nanay na tumutulo ang dugo sa pagitan ng hita kung saan lumalabas sa pagsusuri ng mga doctor sa Bataan General Hospital na ito ay hinalay ng suspek.