Senglot nangursunada ng may baril, inutas

TUGUEGARAO CITY, Cagayan, Philippines - Bulagta ang 45-anyos na magsasakang senglot na sinasabing nangursunada ng kapwa lasing matapos itong ratratin sa Barangay Caliguian sa bayan ng Burgos, Isabela kamakalawa. ?Ayon kay PO3 Edwardson Ramiscal, hinarang at pilit na tinatanong ng biktimang si Bernardo Sawit ang suspek na si Romy Acosta kung kilala siya nito.? Ayon sa police report, napikon ang suspek na senglot din sa pangungulit ng biktima kaya binunot nito ang sukbit na cal.45 pistola na siyang ginamit  sa pagsagot sa katanungan ni Sawit. Idineklarang patay sa Roxas District Hospital ang biktima dahil sa tama ng bala sa mukha habang tumakas naman ang suspek.