Drug peddler dedo sa droga

LEGAZPI CITY, Albay, Philippines – Bulagta ang itinuturing na numero unong tulak-droga makaraang pumalag ito at makipagbarilan sa mga pulis sa isinagawang buy-bust operation sa Market Site, Brgy. Bagumbayan sa Ligao City, Albay kamakalawa ng hapon. Patay agad si Aldrin Tuagnon na sinasabing number 1 sa drug watchlist ng pulisya sa nasabing lungsod. Sa report na nakarating sa Camp General Simeon Ola, dakong alas-3 ng hapon nang ilatag ng Regional Anti-Illegal Drug Special Operation Task Group, CIDG, Regional Public Safety Batallion at Ligao City PNP ang buy-bust operation laban kay Tuagnon. Sa halip na sumuko ang suspek ay tinangka nitong makipagbarilan makaraang mahalata na pulis ang kanyang ka-deal kaya pinutukan agad siya ng mga operatiba. Narekober ang ilang plastic sachet ng shabu at isang cal. 22 revolver.