13-anyos iskolar ginawang sex slave
TUGUEGARAO CITY , Philippines – Patung-patong na kasong kriminal ang kinakaharap ng isang negosyante matapos nitong gawing sex slave ang isang 13-anyos na dalagita na kanyang inampon at ginawang iskolar sa Barangay Zamora, Cabarroguis, Quirino kamakalawa. ?
Apat na bilang ng kasong rape ang isinampa sa Department of Justice laban kay Robert Ventura na sinasabing makailang-ulit na humalay kay Remedios (hindi tunay na pangalan), Grade 6 pupil, sa tuwing inuutusan siyang maglinis ng kuwarto ng una.?
Sa sinumpaang salaysay ni Remedios, una umano siyang inabuso ni Ventura noong naka-short pants lamang siya habang kanyang inaayos ang kama ng mag-asawang Ventura noong Mayo 2015.
Sinabi pa ng biktima na nasundan pa ang panghahalay sa kanya ni Ventura sa iba’t-ibang pagkakataon.
Nabatid na sinundo ni Ventura kasama ang kanyang misis si Remedios noong nakaraang taon matapos siyang pumayag na lumipat sa kanilang bahay at maging scholar o kanilang pag-aaralin sa school. ?
Ayon sa biktima pinagbantaan siyang papatayin ni Ventura kapag isiniwalat nito ang panggagahasa na ginawa sa kanya hanggang magkaroon siya ng pagkakataon na makapagsumbong sa Department of Social and Welfare Development (DSWD).
- Latest
