8 bahay nilamon ng apoy

BATAAN, Philippines – Malungkot ang pagsalubong sa Bagong Taon ng walong pamilya makaraang masunog ang kani-kanilang bahay sa Quatro Kantos, Barangay Omboy sa bayan ng Abucay, Bataan kamakalawa ng hapon. Sa police report na nakarating kay P/Insp. Jennifer Cruz, Bataan PNP information officer,  kabilang sa mga bahay na naabo ay pag-aari nina Maricel Layug, Celso Ramirez, Jertyded Mangginnan, Edwin Catalan, Ricardo Baluyot, Roberto Baluyot, Mel Catalan, at si Ado Dela Cruz. Nagsimula ang apoy sa loob ng oven na pinaglulutuan ng tinapa sa bahay ng pamilya Layug matapos itong sumabog at kumalat ang apoy sa iba pang kabahayan.Naapula naman ang apoy at walang naiulat na nasugatan sa naganap na sunog.