Bus vs kotse: 2 utas
LEGAZPI CITY, Albay, Philippines – Dalawa-katao ang namatay makaraang salpukin ng pampasaherong bus ang kasalubong na kotse sa Maharlika Highway sa Barangay Palestina, bayan ng Pili, Camarines Sur kamakalawa ng madaling araw.
Kinilala ang dalawa na sina Ryan Cris Cano, 34, driber ng kotse; at Raissa Isabella Cano, 25, habang naisugod naman sa Mother Seton Hospital ang mga sugatang sina Sabreene Cano, 25; Johj Edward Cano, 21, mga nakatira sa Antipolo City, Rizal; at ang driver ng bus na si Sonny Abanez, 45, ng Barangay Taculod, Canaman, Camarines Sur.
Sa police report na isinumite sa Camp Simeon Ola, naganap ang sakuna dakong alas-4:25 ng madaling araw kung saan nagsalpukan ang Toyota Vios (AAK-5508) ng dalawang namatay na patungong Maynila at ang Saint Rafael Transport ni Abanez.
Nabatid na idinaos ng dalawa ang Kapaskuhan sa mga kamag-anak na kung saan nakasalubong naman si kamatayan habang pauwi.
- Latest
