2 todas sa road mishap

TUGUEGARAO CITY, Cagayan, Philippines  – Magkasabay na sinalubong ni kamatayan ang dalawang sibilyan habang tatlo naman sugatan makaraang sumalpok ang kanilang van sa punungkahoy sa gilid ng highway sa kasagsagan ng bagyong Lando sa Barangay Pateng, bayan ng Gonzaga, Cagayan kahapon. ?Kinilala ni SPO1 Sanny Agustin ang mga namatay na sina Hazel Joy Paconse, 25; at Eddie Danao, 53, mga nakatira sa bayan ng Sta. Ana.? Sugatang naisugod sa pagamutan ang driver na si Daniel Fadionar, 55; at mga pasaherong sina Rodrigo Benigno, 28; at Renzon Reyes, 15. ?Sa imbestigasyon ng pulisya, nawalan ng kontrol si Fadionar sa minamanehong van matapos maputol ang ball joint ng manibela nito bago sumalpok sa punungkahoy. ?Sa lakas ng impact ay tumalsik ang van ng may anim na metro kung saan agad na namatay ang dalawang pasahero.